რიკარდო კაკამ კარლო ანჩელოტიზე ისაუბრა.

"მადრიდის "რეალთან" კონტრაქტი კიდევ ორი წლით მაკავშირებს და აქ დარჩენა მინდა. მსურს მეტი სათამაშო დრო მივიღო და დავამტკიცო ჩემი შესაძლებლობები. ჩემი მთავარი არჩევანი და გადაწყვეტილება სწორედ ეს არის. თუმცა სხვა ალტერნატივას ვერც ვხედავ."

"მინდა მინიმუმ ერთი წელი მაინც დავრჩე აქ და გულშემატკივარს ვაგრძნობინო ის, რასაც ვაკეთებდი წლების მანძილზე. ფანების გახარება ნამდვილად შემიძლია, თუმცა ამის შანსი ჯერ არ მომცემია."

"რაც შეეხება ანჩელოტის მოსვლას სამეფო კლუბში, შემიძლია ვთქვა, რომ მხოლოდ მოხარული ვიქნები. მან ჩემს განვითარებაში დიდი როლი ითამაშა. კარლო დიდებული სპეციალისტია და ჩემი ყველა წარმატება მხოლოდ მისი დამსახურებაა. მას ფეხბურთელებთან ურთიერთობის გამორჩეული უნარი აქვს და დიდი სიამოვნებით ვიმუშავებდი მასთან ერთად, რადგან ანჩელოტისთან კარიერის საუკეთესო წლები მაკავშირებს."