გონსალო იგუაინი მოუთმენლად ელის "ატლეტიკოსთან" შეხვედრას, მისი აზრით ეს მატჩი სეზონში ერთ–ერთი ყველაზე მნიშვნელოვანია სამეფო კლუბისთვის.

"დიდი იმედი მაქვს გავაგრძელებთ წინსვლას. შაბათს უმნიშვნელოვანესი დატვირთვის მატჩი გაიმართება, თუ გავიმარჯვებთ ძალიან კარგ ხასიათზე შევხვდებით სანაკრებო კვირას."

როგორც მოგეხსენებათ, მადრიდის "რეალში" გადმოსვლიდან პირველი გოლი იგუაინმა სწორედ "ატლეტიკოს" კარში შეაგდო, ვისნტე კალდერონზე 2007 წელს, ის შეხვედრა ყაიმით 1–1 დასრულდა. ამ გოლმა, როგორც გონსალო იუწყება:"ექსტრა მოტივაცია და მომავლის იმედი ჩამისახა გულში, როდესაც ასეთ დიდ კლუბში თამაშს იწყებ დადებითი შედეგით ძალიან დიდი სტიმულია."

"თანაქალაქელების მოედანზე ატმოსფერო, არგენტინას მახსენებს, იქ სწორედ ასეთი ერთგული პუბლიკა ქომაგობს საყვარელ გუნდს. ძალიან მინდა ჩემს გუნდს დავეხმარო წარმატების მიღწევაში, "წითლების" კარში გოლების გატანა ძალიან რთული საქმეა, მაგრამ მემგონი შეიძლია ამის გაკეთება."

21_წლის ფეხბურთელის იმედებს ამყარებს წლევანდელ სეზონში საცოდავად მოასპარეზე "ატლეტიკო", ისინი სწორედ ასე გამოიყურებიან, ფაქტიურად ყველა გუნდმა მოუგო, მაგრამ "თეთრებთან" სულ სხვა თამაშს უნდა ველოდოთ, რადგან "ბლანკოსთან" მატჩს ყველა უდიდესი მოტივაციით ხვდება.

"ჩვენს მოწინააღმდეგეს ნამდვილად არ უდგას საუკეთესო დრო, რადგან მათ უამრავი ქულები დაკარგეს. ამით იმის თქმა არ მინდა, რომ ჩვენ ადვილად დავამარცხებთ მათ, მაგრამ აღვნიშნავ, რომ უპირატესობა გვაქვს. იმედი მაქვს კარგად მომზადებული შევხვდებით დერბის და გამარჯვებასაც მოვიპოვებთ."


ავტორი: Kevlisha