მას შემდეგ, რაც მადრიდის „რეალმა“ დორტმუნდის ბორუსიას ბარიერი ვერ გადალახა და კატალონიის ბარსელონამ მიუნხენის ბაიერნთან ორი მატჩის ჯამში 7-0 წააგო, ბერნდ შუსტერმა განაცხადა, რომ ბუნდესლიგის პროგრესირება თვალნათლივია...

„წლების მანძილზე ევროპის სხვადასხვა ქვეყნის ჩემპიონატებს შორის გამორჩეული ესპანეთის პრიმერა დივიზიონი და ინგლისის პრემიერლიგა იყო, მაგრამ ფაქტია, რომ გერმანელებმა მოახერხეს და საკუთარი ჩემპიონატის პროგრესირება თვალნათლივი გახადეს. არავის ეგონა თუ მადრიდის „რეალი“ დორტმუნდის ბორუსიასთან, ხოლო ბარსელონა მიუნხენის ბაიენთან ასე იოლად დამარცხდებოდა, რადგან ორივე ესპანური გრანდი ევროპის ერთ-ერთი მთავარ ძალას წარმოადგენს.“

„ვფიქრობ, ფეხბურთის განვითარებისთვის ძალიან კარგია, რომ ინგლისს და ესპანეთს ბუნდესლიგაც შეუერთდა, ამ სამ ჩემპიონატს ბადალი არ ჰყავს.“

„იყო დრო როდესაც იტალიური გუნდები გრიმიტობდნენ, მახსოვს ჩემპიონთა ლიგის 2003 წლის ფინალი მილანსა და ტურინის იუვენტუსს შორის, მაშინ სერია „ა“ მართლაც მოწოდების სიმაღლეზე იდგა, მაგრამ ჩემი აზრით იტალიელთა სტილი საფეხბურთო თვალსაზრისით არასდროს იყო მიმზიდველი.“