”დორტმუნდის ბორუსიას” წინააღმდეგ გატანილ გოლს სერხიო რამოსისთვის დამატებითი მნიშვნელობაც ქონდა.

სერხიო რამოსმა სანჩისის რეკორდი დაამხო და მესამე მცველი გახდა კლუბის ისტორიაში, რომელსაც ”ბლანკოსების” რიგებში ყველაზე მეტი გოლი აქვს გატანილი. ესპანელ მცველს ”თეთრების” რიგებში უკვე 41 გოლი დაუგროვდა. ის მხოლოდ რობერტო კარლოსს (68 გოლი) და იეროს (101 გოლი) ჩამორჩება.

სერხიო რამოსს გოლების უმრავლესობა, კერძოდ კი 32 გოლი გატანილი აქვს ლა ლიგაში, ხუთი გოლი ჩემპიონთა ლიგაზე, ორი გოლი კოპა დელ რეიზე და ორიც ესპანეთის სუპერ თასზე. ”თერთრების” ვიცე კაპიტანმა ყველა მნიშვნელოვან ტურნირზე გაიტანა, რომელშიც კი მიიღო მონაწილეობა ”მადრიდის რეალმა”.