მიუხედავად იმისა, რომ სამეფო კლუბმა სამწუხაროდ ნახევარფინალურ ეტაპზე დაასრულა ასპარეზობა ჩემპიონთა ლიგაზე, გუნდს კიდევ აქვს მიზნები.

მადრიდის "რეალს" ლა ლიგაში ჩასატარებელი დარჩა კიდევ 5 მატჩი. თეთრები ყველაფერს იღონებენ ყველა შეხვედრის მოსაგებად და სეზონს მეორე ადგილით დაასრულებენ. ასევე 17 მაისს გაიმართება "კოპა დელ რეის" ფინალი, სადაც ბლანკოსს თანაქალაქელები დაუპირისპირდებიან (მადრიდის "ატლეტიკო).

ჟოზე მოურინიომ განაცხადა: "ჩვენ სეზონის დარჩენელი მატჩები უნდა მოვიგოთ, ამის შემდეგ კი მომავალზე ვიფიქრებთ". ამ განცხადებაზე ექსპერტებმა იმსჯელეს და მივიდნენ დასკვნამდე, რომ პორტუგალიელი სპეციალისტი გუნდს აუცილებლად დატოვებს.

ძალიან დიდი მითქმა-მოთქმაა იმის შესახებ, თუ ვინ იქნება შემდეგ სეზონში სამეფო კლუბის მთავარი მწვრთნელი. მოურინიოს 2016 წელს ეწურება კონტრაქტი და როგორც უკვე მოგახსენეთ, ჟოზეს კლუბის დატოვება აქვს განზრახული. მის ადგილზე კი ოთხი სავარაუდო კანდიდატი სახელდება. ესენია: კარლო ანჩელოტი, რაფა ბენიტესი, იურგენ კლოპი და ჰაინკესი.