სულ ცოტა ხნის წინ, ესპანურმა გამომცემლობამ, Marca-მ გაავრცელა გამოკითხვის შედეგები, რომლის მიხედვითაც გულშემატკივრები კარში იკერის დაყენებას ითხოვენ.

ქომაგთა სურვილია კარში იკერ კასილასი დადგეს და მან უკაპიტნოს გუნდს. მიუხედავად დიეგო ლოპესის დამაჯერებელი ასპარეზობისა, ფანები უპირატესობას წმინდანს ანიჭებენ, რომელიც უკვე წლებია, რაც იცავს სამეფო კლუბს. აგრეთვე გამოკითხვის შედეგად აღმოჩნდა, რომ მადრდისტები დაცვის ცენტრში უპირატესობას რამოსი-ვარანის წყვილს ანიჭებენ, მარჯვენა მცველად კი ესიენის ხილვა სურთ.

იგივე კვლევის თანახმად, მოედნის ცენტრში ადგილი სამი ხედირას ნაცვლად ლუკა მოდრიჩმა უნდა დაიკავოს, რომელიც უფრო მეტად კრეატიულია და შეტევების ორგანიზებაც ბრწყინვალედ შეუძლია. თავდამსხმელის პოზიცია კი კარიმ ბენზემამ უნდა დაიკავოს.

სურათზე ნაჩვენებია ის შემადგენლობა, რომელიც გულშემატკივართა აზრით გაიყვანს მადრიდის რეალს ფინალში.