ბარტეზი : „ნახევარფინალების პროგნოზირება რთულია“
ლეგენდარულმა ფრანგმა მეკარემ, ფაბიენ ბარტეზმა ჟურნალისტებთან ისაუბრა და განაცხადა, რომ უდიდეს სირთულესთან არის დაკავშირებული ჩემპიონთა ლიგის ½ ფინალის პროგნოზირება, რადგან აქ საქმე გვაქვს ევროპის 4 საუკეთესო კოლექტივთან...
„მართლაც ძალიან ლამაზი მატჩების მომსწრენი გავხდებით.ზოგადად ჩემპიონთა ლიგა ყოველთვის ძალიან დაძაბული და ლამაზი სანახაობით იწონებს თავს, ეს არის ჩემპიონატი, სადაც თითოეული გუნდი საკუთარ მაქსიმუმს აკეთებს იმისათვის, რომ წარმატებას მიაღწიოს და რაც შეიძლება წინ წავიდეს.“
„ჩემთვის ძალიან რთულია ფინალის პროგნოზირება, რადგან ნახევარფინალში საქმე გვაქვს ევროპის 4 უძლიერეს გუნდთან, რომელთაგან ერთ-ერთის გამორჩევა მეტად რთული საქმეა.“
„ვთვლი, რომ გერმანელები ესპანელებს არაფერს დაუთმობენ და საკუთარ ბრძოლის ჟინს კიდევ ერთხელ გამოავლენენ, მაგრამ ჩემი სუბიექტური აზრით ევროპის ყველაზე პრესტიჟული ტურნირის ფინალში ჩვენ „ელ კლასიკოს“ ვიხილავთ, შესაძლოა არასწორად ვმსჯელობდე, მაგრამ „რეალი“ და „ბარსელონა“ კლასით თითქმის შეუდარებლები არიან.“
- 23 აპრილი 2013
- 1 794
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
