კარიმ ბენზემას განცხადებით, მადრიდის „რეალი“ მზად არის ნებისმიერი მეტოქის დასამარცხებლად, რადგან საუკეთესო ფორმაში იმყოფება...

„წლეულს ჩვენ ნამდვილად საუკეთესო ფეხბურთს ვაჩვენებთ და ფინალში გასვლის ღირსები ვართ, იქ კი აუცილებლად უნდა მოვიპოვოთ ჩემპიონთა თასი. დანამდვილებით მინდა გითხრათ, რომ „ბლანკოსი“ ძალიან კარგ ფორმაშია. იმ ხნის განმავლობაში რაც მე ესპანეთში გადმოვედი ასეთი ძლიერი „რეალი“ არ მინახავს, ეს სიტუცია კი ჩვენს სასარგებლოდ უნდა გამოვიყენოთ და ლიგის რიგით მეათე თასს დავეუფლოთ.“

„არ აქვს მნიშვნელობა ვის შევხვდებით ფინალში, ბაიერნიც და ბარსელონაც უმაღლესი კლასის გუნდები არიან, ჩვენ ორივეს დასამარცხებლად სრულ მზადყოფნას ვაცხადებთ, მაგრამ ფინალამდე ბორუსიელები გვყავს დასამარცხებელი, რაც არც ისე იოლი საქმეა, თუმცა ჩვენ ამას აუცილებლად მოვახერხებთ.“