ხოსე მარია გუტიერესის განცხადებით ჟოზე მოურინიომ ლა ლიგის ეგიდით გამართულ მატჩებში ძირითადი შემადგენლობის ფეხბურთელების 65%-ს დასვენების საშუალება უნდა მისცეს, რადგან ამ ტურნირის გამარჯვებული ბარსელონა გახლავთ და ბრძოლას არანაირი აზრი აღარ აქვს...

„სამეფო კლუბს უდიდესი მიზანი აქვს ჩემპიონთა ლიგის მოგების სახით, აქედან გამომდინარე გუნდმა მთელი ყურადღება ევროსარბიელზე უნდა მიმართოს და ლა ლიგას თავი დაანებოს, რადგან ქულათა სხვაობა მართლაც კოლოსალურია, უბრალოდ გამორიცხულია „ბლანკოსის“ წარმატება პრიმერა დივიზიონის ეგიდით.“

„თუკი მადრიდელები სამეფო თასს და ჩემპიონთა ლიგას მოიგებენ, ეს იქნება ძალიან დიდი წარმატება და პრიმერას წარუმატებლობას არავინ გაიხსენებს, მაგრამ ხსენებული მიზნის მისაღწევად დიდი მუშაობაა საჭირო.“

„ამ ეტაპზე ფეხბურთელებს ძალიან დიდი დატვირთვის ქვეშ უწევთ ყოფნა, როგორც ფიზიკური, ასევე ფსიქოლოგიური თვალსაზრისით, აქედან გამომდინარე ურიგო არ იქნებოდა, თუ მთავარი მწვრთნელი მათ დასვენების საშუალებას მისცემს, ამ შემთხვევაში ფეხბურთელებს უკეთესი შანსი მიეცემათ ევროსარბიელზე ორიენტირების და ძალების აღდგენის. სწორედ იმ ძალების, რომელიც გუნდს ნამდვილად დასჭირდება დასკვნით მატჩებში.“