მომდევნო კანდიდატი ილკეი გუნდოგანია, 22 წლის „დორტმუნდის ბორუსიის“ ფეხბურთელი.

კულუარებიდან ვრცელდება ინფორმაცია, რომ თეთრები ახალ „ჩაბი ალონსოს“ ძიებაში არიან. მის შემცვლელებად ჯერ-ჯერობით მხოლოდ ზემოთ ხსენებული ორი ფეხბურთელი მოიაზრება. მადრიდული კლუბი მათში ახალგაზრდულ მონდომებასა და პოტენციალს ხედავს.

შეგახსენებთ, რომ ჩაბი ალონსოს კონტრაქტი 2014 წლის ივნისსში უმთავრდება. დადის ხმები, რომ ბასკი ნახევარმცველი „ლივერპულში“ დაბრუნებას გეგმავს, მაგრამ არავინ იცის რა მოხდება.

გუნდოგანი კანდიდატთაგან საუკეთესო არჩევანია 14 ნომრისათვის. ტექნიკურად დაჯილდოვებული ნახევარმცველი, შესანიშნავი დარტყმის სიზუსტით და ძალით. შეუძლია თანაგუნდელთა გადაცემებით მომარაგებაც და აქვს შემტევი პოტენციალიც.

ვნახოთ რა იქნება „რეალისა“ და „დორტმუნდის“ მომდევნო ორ დაპირისპირებაში, შესაძლოა გუნდოგანის საკითხი ძალიან მალე მოგვარდეს.

მადრიდელებს ამ ფეხბურთელში „მანჩესტერ სიტი“ და „რეალ სოსიედადი“ შეეცილებიან.