ინგლისურ პრესაში გავრცელებული ინფორმაციების მიხედვით რომან აბრამოვიჩი მოურინიოს აუცილებლად წაიყვანს ლონდონში და ჩელსის მწვრთნელად გახდის...

მოგეხსენებათ, პორტუგალიელ გენიოსს და რუს ოლიგარქს შორის უთანხმოება იყო, სწორედ ამან განაპირობა მოურინიოს ინტერში წასვლა, მაგრამ როგორც ჩანს ყველაფერი მოგვარებულია და პორტუგალიელის ინგლისის დედაქალაქში ჩასვლას აღარაფერი უდგას წინ.

გავრცელებული ინფორმაციით ჟოზეს უკვე განუცხადებია, რომ მისი „არისტოკრატებში“ მისვლის შემთხვევაში გუნდს აუცილებლად დატოვებს ფერნანდო ტორესი, მისი შემცვლელი კი ან ჰალკი, ან დიდიე დროგბა იქნება, რომელიც მოურინიოს ძალიან უყვარს, ლონდონში ჟოზეს საყვარელი ფორვარდი სწორედ კოტ დიუვარელი გახლავთ. მოურინიოს არაერთხელ განუცხადებია, რომ დროგბას დონის წინახაზელები იშვიათად იბადებიან.

როგორც ჩანს Special One-ს კანდიდატურა ჩელსიში მართლაც სერიოზულად განიხილება, რადგან აბრამოვიჩმა დიდიეზე ფიქრი დაიწყო და გალათასარაისთან მოლაპარაკებებს აპირებს.