წელს ”კასტილიას” მთავარ დამრტყმელ ძალას ხესე როდრიგესი წარმოადგენს.

ხესე არაჩვეულებრივად გამოიყურება ბოლო შეხვედრებში. ბოლო ოთხ თამაშში გატანილი ხუთი გოლი, რაც ხესეს აძლევს საშუალებას იბრძოლოს სეგუნდა დივიზიონის ბომბარდირობისთვის. გარდა აღნიშნულისა, ასევე გამოსარჩევია ის ფაქტი, რომ ხესე ახლოსაა ემილიო ბუტრაგენიოს მიღწევის განმეორებასთან. საქმე ეხება 1983-84 წლებს, როცა ბუტრა ”კასტილიაში” გამოდიოდა და მაშინ მან 21 გოლი გაიტანა ჩემპიონატში. ამჟამად ხესეს ანგარიშზე 19 გოლია.

ბუტრაგენიოს მაჩვენებელი მართლაც რომ ბრწყინვალე იყო: 21 გოლი 21 შეხვედრაში და ეს თებერვლის ჩათვლით. ხოლო ამის შემდეგ ის უკვე პირველ გუნდში გადავიდა. ხესემ თავისი 19 გოლი 31 შეხვედრაში გაიტანა, აქედან სამი თერთმეტმეტრიანი, ერთი საჯარიმო დარტყმა, თავით არცერთი არ აქვს გატანილი, ხოლო თორმეტი მათგანი კი საშინაო კედლებში.