გარდა იმისა, რომ ”მადრიდის რეალი” 18 აპრილს გამართავს კენჭისყრას კოპა დელ რეის ბილეთებთან დაკავშირებით, დღეს სანტიაგო ბერნაბეუს სტადიონის პრესისთვის განკუთვნილ ოთახში კიდევ ერთი კენჭისყრა გაიმართება.

საქმე ეხეა ჩემპიონთა ლიგის 1/2 ფინალის პირველ შეხვედრაზე დასაწრებ ბილეთებს. კლუბის იმ წევრების რაოდენობა, რომლებმაც შეიტანეს განაცხადი დორტმუნდში გამგზავრებასთან დაკავშირებით, აღემატება კლუბის წევრებისთვის გამოყოფილი სკამების რაოდენობას, ამიტომაც დღეს , ადგილობრივი დროით 18:00 საათზე ”მადრიდის რეალი” კენჭისყრას გამართავს იმ წევრებს შორის, რომლებმაც თავიანთი აპლიკაციები გაგზავნეს გერმანიაში წასვლასთან დაკავშირებით.