„ატლეტიკთან“ გამართული მატჩის შემდეგ პედრო პაულეტამ განაცხადა, რომ თითოეულმა პორტუგალიელმა უნდა იამაყოს იმით, რომ მათი თანამემამულე კრიშტიანო რონალდო გახლავთ.

„რონალდო მსოფლიოს საუკეთესო ფეხბურთელია. სულ ცოტა ხნის წინ დასრულდა მატჩი „რეალსა“ და „ბილბაოს“ შორის, სადაც კრიშტიანომ ბრწყინვალე შთაბეჭდილება დატოვა. ბრავო, ნამდვილად დიდი სანახაობა იყო და ბედნიერი ვარ იმით, რომ მე მისი თანამემამულე ვარ, რონალდო ნაკრებს უდიდეს წარმატებებს მოუტანს, იგი საუკეთესოა და ამას დამტკიცება არ უნდა.“