ინგლისური პრესა: ”მოურინიო მადრდიში რჩება”
ინგლისურ პრესას სხვა ინფორმატორები გამოუჩნდნენ.
ჟოზე მოურინიომ შეიძლება ”ჩელსის” უარი უთხრას. ინგლისური გამომცემლობა The Mirror აცხადებს, რომ სეზონის ბოლოს ჟოზე მოურინიო არ დაბრუნდება ინგლისში და რომ აქამდე გავრცელებული ინფორმაცია სიმართლეს არ შეესაბამება.
პორტუგალიელი სპეციალისტი ბოლო თვეების მანძილზე არაერთხელ დააბრუნეს და გაუშვეს ”მადრიდის რეალიდან”, განსაკუთრებით კი ჭორები მის შესაძლო წასვლასთან დაკავშირებით გაიზარდა მას შემდეგ, რაც გუნდმა თამაშს უკლო და ლა ლიგაში სერიოზული პრობლემები შეექმნა. მოურინიო ყოველთვის აცხადებდა, რომ ინგლისი მისი შემდეგი გაჩერება იქნებოდა.
ინგლისურ ტაბლოიდზე დაყრდნობით, გამომცემლობა მარკა ავრცელებს ინფორმაციას, რომ მოურინიომ შეიძლება გადადოს ინგლისურ პრემიერ ლიგაში დაბრუნება. თავად მწვრთნელმა წინა კვირას დაადასტურა, რომ მისი მომავალი სეზონის დასრულებისთანავე ფლორენტინო პერესთან დალაპარაკების შემდეგ გადაწყდება.
- 15 აპრილი 2013
- 2 408
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
