მადრიდის „რეალის“ ხელმძღვანელობა ურუგვაელი წინახაზელით, ლუის სუარესით დაინტერესდა...

ამჟამად ლუისი ლივერპულის ღირსებას იცავს და ბრწყინვალე სეზონს ატარებს, ურუგვაელი ფეხბურთელი ხშირად ახერხებს მეტოქეთა კარის დალაშქვრას, ასევე მის დადებით თვისებად ნახევარმცველთა დახმარება მიიჩნევა.

ლივერპული პრემიერ ლიგაში ბევრს ვერაფერს აღწევს, ჩემპიონობაზე საუბარი საერთოდ ზედმეტია, უკვე მრავალი წელია მერსისაიდელთა „მრისხანე“ ფანებს თასის გარეშე უწევთ ყოფნა.

გავრცელებული ინფორმაციით სუარესი მომავალი სეზონიდან სხვა კლუბის ღირსებას დაიცავს, ეს გუნდი კი სავარაუდოდ რომელიმე ქვეყნის ჩემპიონობისთვის მებრძოლი უნდა იყოს, რადგან ურუგვაელს ძალიან სურს ტიტულები.

ამ შემთხვევაში მადრიდის „რეალი“ მისთვის იდეალური ვარიანტია, თანაც ფლორენტინო პერესმა ლუისის მიმართ ინტერესი შარშანაც გამოთქვა, ახლა კი ვრცელდება ინფორმაცია, რომ შთამბეჭდავი სეზონის შემდეგ სამეფო კლუბი კიდევ უფრო მეტად გააქტიურდება.