"რეალის" მცველი სერხიო რამოსი თვლის, რომ გუნდმა მუდამ ისე უნდა ითამაშოს, როგორც "მილანთან" შეხვედრაში "სან სიროზე".

თამაში მადრიდელთა უპირატესობით მიდიოდა, სანამ რონალდინიომ არ გაიტანა პენალტი. მატჩი საბოლოოდ ფრედ 1:1 დასრულდა. სერხიო რამოსი თვლის, რომ გუნდმა ფანტასტიური პირველი ტაიმი ჩაატარა.

"ჩვენ ფანტასტიური პირველი ტაიმი ჩავატარეთ, მაგრამ შემდეგ "მილანი" გამოცოცხლდა. ასე უნდა გავაგრძელოთ თამაში. ასევე მინდა გამოვყო, რომ რონალდინიო ჩვეულ ფორმაშია. ფაქტიურად ისეთ ფორმაში, როგორც "ბარსელონაში" თამაშისას".

მორიგი მატჩის გამართვა მადრიდელებს მოუწევთ შაბათს. ისინი მადრიდულ დერბიში "ატლეტიკოს" დაუპირისპირდებიან.


ინფორმაციის წყარო: Goal.com