ვისენტე დელ ბოსკეს განცხადებით, ალვარო არბელოა ბრწყინვალე მცველად ჩამოყალიბდა...

„ალვარომ ძალიან კარგად იცის დაცვის მარჯვენა ფლანგის გამაგრება, იგი ასევე კარგად ირჯება მარცნივ, მაგრამ იმის გამო, რომ უკეთესად მარჯვენა ფეხს იყენებს, მისი გამწესება მაინც მარჯვნის არის რეკომენდირებული. საფრანგეთის ნაკრების წინააღმდეგ მატჩში არბელოამ ძალიან კარგი შთაბეჭდილება დატოვა და ფრენკ რიბერის ბევრი პრობლემა შეუქმნა, რიბერი „მამლების“ ერთ-ერთი კოზირი გახლავთ, მისი განეიტრალება კი ფრანგთა ნაწილობრივ შესუსტებას ნიშნავს.“

„მადრიდის რეალში ალვარომ დიდი გამოცდილება მიიღო, სწორედ ამის ხარჯზე არის იგი მაღალი დონის მარჯვენა მცველი, დარწმუნებული ვარ ის გააგრძელებს უმაღლეს დონეზე თამაშს და როგორც „ბლანკოსში“, ასევე ეროვნული ნაკრების შემადგენლობაში ერთ-ერთი გამორჩეული ფეხბურთელი იქნება.“