ემანუელ ებოეს განცხადებით, მისმა გუნდმა არაერთი მნიშვნელოვანი მატჩი ჩაატარა და არანაკლებ მნიშვნელოვან შედეგებსაც მიაღწია, აქედან გამომდინარე მას არ გაუკვირდება, თუკი გალათასარაი ჩემპიონთა ლიგის ½ ფინალის საგზურს მოიპოვებს.

„ჟოზე მოურინიო დიდი მწვრთნელია და საკმაოდ ძლიერი გუნდი ჰყავს, რომელსაც ჩემპიონთა ლიგის ერთ-ერთ მთავარ ფავორიტად მოისაზრებენ, მაგრამ მინდა გითხრათ, რომ გალათასარაი არაფრის დათმობას არ აპირებს, ჩვენ ნამდვილად გვყავს იმ დონის ფეხბურთელები, რომლებიც სამეფო კლუბის შეგირდებს სათანადო დონეზე გაუმკლავდებიან.“

„ჩვენი ერთადერთი უპირატესობა ის არის, რომ მეორე დაპირისპირება საკუთარ კედლებში გვექნება გასამართი და არა ბერნაბეუზე, სხვა შემთხვევაში „რეალს“ კიდევ უფრო მეტი შანსი ექნებოდა. მერწმუნეთ რთულია ბერნაბეუზე ჩახვიდე და გადამწყვეტი შეხვედრა ითამაშო.“

„მთავარი მწვრთნელის ძალიან დიდი იმედი მაქვს, დარწმუნებული ვარ იგი ისეთ ტაქტიკას დასახავს, რომელიც სანტიაგო ბერნაბეუზე წარმატების მომტანი იქნება. თერიმი მსოფლიო დონის მწვრთნელი გახლავთ".