ჟურნალისტები ბოლო დღეებია ავრცელებენ ინფორმაციას, რომ მადრიდის რეალის მთავარი მწვრთნელი ლონდონში იმყოფებოდა მიზეზად კი ე.წ. ”შოპინგი” სახელდებოდა.

მედიის წარმომადგენლებს თუ დავუჯერებთ, ჟოზემ შეთანხმებას მიაღწია ჩელსის ხელმძღვანელობასთან და ზაფხულში დიდი ბრიტანეთის დედაქალაქისკენ აიღებს გეზს. ასევე ვრცეკდევა ჟოზეს ინტერვიუ Sky Sports News-თან, სადაც საუბრობს მის დამოკიდებულებას ინგლისისა და ჩელსის მიმართ.

”ლონდონში სახლი მაქვს და როცა მომესურვება მაშინ ჩამოვალ აქ, რა თქმა უნდა დიდი ემოციური კავშირი მაქვს ინგლისთან და ადრე თუ გვიან აუცილებლად დავბრუნდები აქ, ჩელსიში ან სხვა კლუბში.”

”რაც შეეხება ლონდონის ჩელსის, ეს გუნდი მუდამ დარჩება ჩემს გულში და უფრო დიდ ადგილს დაიკავებს, ვიდრე სხვა კლუბები. ასევე იქნება ინტერიც. მიუხედავად ამისა ახლა მხოლოდ მადრიდის რეალზე ვფიქრობ, რადგან ყველამ იცის ჩემი პროფესიონალური დამოკიდებულება საქმის მიმართ. მსურს სამეფო კლუბი წარმატების მწვერვალზე მივიყვანო.”

ვრცელდება ინფორმაცია, რომ რომან აბრამოვიჩმა აღიარა შეცდომა, რომელიც 5 წლის წინ დაუშვა და მზად არის ჟოზეს ახალი გაცილებით უკეთესი კონტრაქტი შესთავაზოს.