მადრიდის „რეალის“ ყოფილმა მცველმა, რაულ ბრავომ ჟურნალისტებთან ინტერვიუში განაცხადა, რომ ჩემპიონთა ლიგის მთავარ ფავორიტა „ბლანკოსი“ ითვლება...

„დარწმუნებული ვარ ჟოზეს შეგირდები ჩემპიონთა ლიგის თასის მეათედ მოგებას შეძლებენ, ამ გუნდს ძალიან დიდი პაუზა აქვს, რომელიც უკვე 11 წელიწადს ითვლის, რაც მადრიდელი ინჩასებისთვის ნამდვილად შემაშფოთებელია.“

„რეალში წლების მანძილზე გამოვდიოდი და ვიცი თუ რამხელა ფსიქოლოგიურ წნეხთან არის დაკავშირებული იქ თამაში, მაგრამ მინდა გითხრათ, რომ ბერნაბეუზე ასპარეზობა მხოლოდ რჩეულთა ხვედრია და როდესაც საუკეთესო ხარ, ეს ყველგან უნდა დაამტკიცო.“

„მოურინიოს დიდ პატივს ვცემ, არ ვიცი რა ხდება შიგნით, მაგრამ გარედან აშკარად ჩანს რომ „ბლანკოსში“ დიდი დისციპლინაა და ფეხბურთელები ერთმანეთს დიდ პატივს სცემენ, აქედან გამომდინარე ყველაფერი მწვრთნელს მინდა „დავაბრალო“ მან მოახერხა ის, რასაც სამეფო კლუბის მწვრთნელები წლების მანძილზე ვერ ახერხებდნენ.“