მადრიდის "რეალის" ყოფილმა პრეზიდენტმა რამონ კალდერონმა, მისი მემკვიდრე ფლორენტინო პერესი დაადანაშაულა რონალდუს ტრანსფერის ჩაშლის მცდელობაში.

"2009 წელს, როდესაც ფლორენტინო პრეზიდენტი გახდა, სურდა რონალდუს ტრანსფერი დაებლოკა. როდესაც გაპრეზიდენტდა მან აღმოაჩინა, რომ უკვე ფეხბურთელსა და კლუბს შორის ყველაფერი მოგვარებული იყო, თუმცა მას მაინც სურდა მოლაპარაკებების შეჩერება, მაგრამ ვალდანომ და ხოსე ანხელ სანჩესმა მისი დარწმუნება შეეძლეს. მათ უთხრეს, რომ ეს სიგიჟე იქნებოდა, რადგან კონტრაქტი თითქმის გაფორმებული იყო."-განაცხადა კალდერონმა En Joc-თან საუბარში.

"ფლორენტინო დამნაშავეა, რომ ყველაფრის უფლება მისცა ჟოზე მოურნიოს. ყველამ დაინახა, რომ იგი ცუდად იქცეოდა "ინტერში", "ჩელსში" და ამ მხრივ არც "რეალი" იქნებოდა გამონაკლისი. პერესმა იცოდა, თუ რა მოხდებოდა ჟოზესთან კონტრაქტის გაფორმების შემთხვევაში. მოურინიო მოსაწყენია. იგი ვერასოდეს დაიმკვიდრებს "რეალის" ისტორიაში ადგილს, როგორც ეს ვისენტე დელ ბოსკემ გააკეთა. მოურნიოს სურს მუდამ იყოს ყურადღების ცენტრში, ეს კი კლუბს აზარალებს."-განაცხადა ყოფილმა პრეზიდენტმა.