როგორც იცით, სამეფო კლუბიდან 17 ფეხბურთელია გამგზავრებული თავიანთ ეროვნულ ნაკრებებში.

გუშინ გაუწყეთ, რომ გერმანიის გუნდის ვარჯიშზე, დაზიანება მიიღო ხედირამ, თუმცა მედიკოსების თქმით, საშიში არაფერია.

„ფურია როხას“ გუშინდელი სავარჯიშო სესიის ნაადრევად დატოვება მოუხდა ჩაბი ალონსოს.ამ უკანასკნელს კუნთი დაეჭიმა და ამის გამო, დღესაც ვერ შეძლო თანაგუნდელებთან ერთად მინდორზე გასვლა.დიდი ალბათობით, ბასკი ფინეთთან მატჩს გამოტოვებს და „მამლებთან“ დაპირისპირებისათვის მოემზადება.

რაც შეეხება დი მარიას, არგენტინის ნაკრების ხელმძღვანელობამ, ფეხბურთელს უფლება მისცა, გამოეტოვინა ოთხშაბათის ვარჯიში.მადრიდისტა მშობლიურ ქალაქში გადაფრინდა, სადაც ფეხმძიმე მეუღლე მოინახულა.

სანაკრებო ბატალიების ბოლო სიახლეები ამგვარია.იმედია, ფეხბურთელები უვნებელნი დაბრუნდებიან მადრიდში.

As.Com