„მალიორკასთან“ დუბლის ავტორი გონსალო იგუაინი, კვირას ბუენოს აირესში ჩაფრინდა, სადაც ოჯახთან ერთად თავისი ძმის დაბადების დღე აღნიშნა, ხოლო ორშაბათს არგენტინის ეროვნულ ნაკრებს შეუერთდა.

ალეხანდრო საბეიას შეგირდები, 2014 წლის მუნდიალის საკვალიფიკაციო ეტაპის ორ მატჩს გამართავენ (ვენესუელასთან და ბოლივიასთან).

„სანკლუბო დონეზე წარმატებული გამოსვლის შემდეგ, ეროვნულ გუნდში ამაღლებული განწყობით ვბრუნდები.მეტად თავდაჯერებული ვარ და ვიედოვნებ, რომ მომდევნო 2 უმნშვნელოვანესს შეხვედრაშიც მოვახერხებ თავის გამოჩენას“ - დასძინა პიპიტამ.

„ყოველ ჯერზე, როდესაც მონაწილეობას ვიღებ ჩემპიონთა ლიგის მატჩში, მის მოგებაზე ვოცნებობ.დიდებული გათამაშებაა.მონაწილე გუნდები საკმაოდ ძლიერები არიან, თუმცა მიუხედავად ყველაფრისა გვჯერა, რომ ჩვენ შევძლებთ კლუბისათვის მე-10 ტიტულის მოპოვებას“ - დაამატა „რეალის“ წინახაზელმა.

Marca.Com