პრედრაგ მიატოვიჩი ჟურნალისტებს გაესაუბრა.

პრედრაგ მიატოვიჩს სურს, რომ კრიშტიანო რონალდუ და ჟოზე მოურინიო ”მადრიდის რეალში” დარჩნენ: ”ორივე მათგანს ”მადრიდის რეალთან” კიდევ რამოდენიმე წელი აკავშირებს კონტრაქტი და სიამოვნებით ვიხილავდი, კონტრაქტის ამოწურვამდე ორივეს აქ, მიუხედავად ამისა, გადაწყვეტილება კლუბმა და მხარემ უნდა მიიღოს.”

”მადრიდის რეალის” ყოფილ ფეხბურთელს სჯერა, რომ ”ბარსელონას” წინააღმდეგ თამაშისას კლუბი უკვე სხვა მენტალიტეტით თამაშობს: ”ბოლო დროს განვითარებული მოვლენების შედეგად, სტატისტიკა ჩვენს მხარესაა. ”ბარსელონა” კვლავ ძლიერ გუნდად რჩება, ის დიდი გუნდია, არ არის ადვილი მათ წინააღმდეგ თამაში, მაგრამ ბოლო კლასიკოებში ”მადრიდის რეალმა” დაანახა ყველას , რომ შეიძლება მათი დამარცხება და მათ წინააღმდეგ ყოველგვარი პრობლემების გარეშე შეიძლება თამაში. იმედი მაქვს , ეს მაჩვენებელი მომდევნო წლებშიც გაგრძელდება.”

მოურინიოს შეგირდებზე მიატოვიჩმა განაცხადა: ”მართალია ”მადრიდის რეალმა” ცუდად დაიწყო, მაგრამ მე ყოველთვის ვიძახდი, რომ არ აქვს მნიშვნელობა როგორ დაიწყებ, მთავარია როგორ დაასრულებ. ”მადრიდის რეალი” შესანიშნავად გამოიყურება, ისინი ლიგაშიც და ჩემპიონთა ლიგაზეც კარგად თამაშობენ და სეზონიც კარგად მიდის.”

ჩემპიონთა ლიგაზე თქვა: ”ფავორიტი ყოველთვის ერთი და იგივეა. მოდით ვნახოთ რა მოხდება 1/4 ფინალში. 1/4 ფინალში ის გუნდები არიან, რომლებსაც შეუძლიათ ჩემპიონთა ლიგის მოგება. იმედი მაქვს, მიმდინარე წელს ეს ”მადრიდის რეალი” იქნება.”