მესუთ იოზილი ჩემპიონთა ლიგის 1/4 ეტაპის საპასუხო მატჩში "გალათასარაის" წინააღმდეგ ყურადღების ცენტრში იქნება.

ფაქტია, რომ მიუხედავად იოზილის ფესვებისა ფეხბურთელმა გერმანიის ნაკრებში თამაში არჩია, ამ გადაწყვეტილებას კი თურქი გულშემატკივრები დღემდე ვერ პატიობენ.

სტამბულელი გულშემატკივრების ტემპერამენტის გათვალისწინებით აშკარაა, რომ იოზილის წინააღმდეგ დიდი აგრესია იქნება. "გალათასარაის" გულშემატკივრების აგრესიული საქციელის გამო, შესაძლოა ფეხბურთელს ზიანი მიადგეს, ამიტომ უკვე განიხილება ვარიანტი, რომ 9 აპრილს თამაშს მესუთი სათადარიგოთა სკამიდან დაიწყებს.