მას შემდეგ, რაც "ბლანკოსის" შემადგენლობა სასტუმროში მივიდა, ჩაბი ალონსო და დიეგო ლოპესი ფანებისთვის განკუთვნილ დარბაზში გაემართნენ, სადაც მათ უამრავი ქომაგი ელოდათ...

სელტას ერთ-ერთმა გულშემატკივარმა განაცხადა, რომ მისთვის დიდი პატივია მეოცე საუკუნის საუკეთესო გუნდის ფეხბურთელებთან შეხვედრა, ეს მადრიდის "რეალია" და ამ კოლექტივს ყველამ პატივი უნდა სცეს.

"მართალია ვიგოდან ვარ და ყოველთვის ამ გუნდს ვგულშემატკივრობ, მაგრამ შეუძლებელია ჟოზე მოურინიოს შეგირდების მიმართ გულგრილი დარჩე" - განაცხადა ქომაგმა.

ფეხბურთელებთან შესაძლებელი იყო გასაუბრება, ფოტოების გადაღება, ასევე ავტოგრაფების მიღება და ასე შემდეგ.

შეხვედრამ ძალიან თბილ და სასიამოვნო გარემოში ჩაიარა, შემდეგ კი ალონსო და ლოპესი თანაგუნდელებს შეუერთდნენ და ამ დროისთვის სრულად არიან კონცენტრირებული მატჩზე.