დღეს 8 მარტს, მადრიდის "რეალის" პრეზიდენტი 66 წლის გახდა.

ფლორენტინო პერესმა მადრიდის "რეალის" პრეზიდენტის პოსტზე პირველად კენჭი 1994 წელს იყარა, მაგრამ არჩევნებში დამარცხდა რამონ მენდოსასთან. საკუთარ საწადელს პერესმა 2000 წლის 16 ივლის მიაღწია, როდესაც მან არჩევნებში დაამარცხა ლორენსო სანსონი და "სამეფო კლუბის" პრეზიდენტი გახდა.

პერესის პრეზიდენტობის პირველ წელს გუნდმა ლა ლიგა და ესპანეთის სუპერ თასი მოიგო. მომდევნო წელს "რეალი" ჩემპიონთა ლიგის გამარჯვებული გახდა, ამასთან ერთად თეთრებმა საკონტინენტთაშორისო თასი და ევროპის სუპერ თასი მოიგეს. 2002/03 წლების სეზონში "რეალ სოსიედადთან" დაძაბული ბრძოლის შემდეგ "რეალი" გახდა ესპანეთის ჩემპიონი და მოიგეს ესპანეთის სუპერ თასი, სადაც "მალიორკა" დაამარცხეს.



ფლორენტინო პერესისი ხელმძღვანელობით კლუბის ფინანსური პოზიცია საკმაოდ გაუმჯობესდა. მან შეცვალა კლუბის სტრატეგია, მართვა და შეიძლება ითქვას კლუბი დიდი ბიზნეს პროექტად აქცია. ამ სტრატეგიის საფუძველზე გუნდში მოვიდნენ იმ დროისათვის საუკეთესო ფეხბურთელები, როგორებიცა ლუიშ ფიგო, ზინედინ ზიდანი, რონალდო და დევიდ ბექჰემი.



შთამბეჭდავი რეკონსტრუქცია "სანტიაგო ბერნაბეუს", გახსნა "ვალდებებასის" სამწვრთნელო ბაზა, რომელიც 1200000 კვ/მ გადაჭიმული. პერესი კლუბს მსოფლიოში საუკეთესო ინფრასტრუქტურით უზრუნველყოფს.



თუმცა მის მოღვაწეობასაც არ ჩაუვლია შეფერხების გარეშე. თაყვანისმცემლებს ყოველთვის ემახსოვრებათ მისი გადაწყვეტილება, როდესაც კონტრაქტი არ გაუხანგრძლივა დელ ბოსკეს, კონფლიქტი იეროსთან, კლოდ მაკელელს გაშვება და ბევრი სხვა. იმის გამო, რომ გუნდი არასწორი მიმართულებით მიდიოდა ფლორენტი პერესმა 2006 წელს პრეზიდენტის პოსტი დატოვა.



2009 წლის 1 ივლისიდან დონ ფლორენტინო ახალი ამბიციური გეგმებით კვლავ ჩაუდგა "სამეფო კლუბს" სათავეში. მოსვლის დღიდან პერესი გუნდის რადიკალურ ტრანსფორმაციას შეუდგა. სულ რაღაც რამდენიმე თვეში მან გუნდში მოიყვანა კაკა, კრიშტიანუ რონალდუ, რაულ ალბიოლი, ხაბი ალონსო, არბელოა და კარიმ ბენზემა. 2010 წელს კი ფლორენტინომ მოსფლიოს ახალი მწვრტნელი ჟოზე მოურინიო წარუდგინა. ამავე წელს თეთრი მაისური მოირგო ანხელ დი მარიამ, მესუთ იოზილმა, სამი ხედირამ, რიკარდო კარვალიომ და კლუბი ორმა ლეგენდამ რაულ გონსალეს ბლანკომ და გუტიმ დატოვა.



პრეზიდენტობის მეორე ვადით არჩევის შემდეგ გუნდმა "ლა ლიგა", სამეფო თასი და ესპანეთის სუპერ თასი მოიგო.



საიტის სახელით მინდა მივულოცო ფლორენტინო პერეს დაბადების დღე. წარმატებებს ვუსურვებს თავის სპორტულ მოღვაწეობასა და პირად ცხოვრებაში. დღეიდან პერეს მადრიდის "რეალის" საკეთილდღეოდ მუდამ სწორი გადაწყვეტილებები მიეღოს.