"რეალ მადრიდის" ვარსკვლავმა, კრიშტიანუ რონალდუმ კიდევ ერთხელ დაამტკიცა თავისი საოცარი ძალა. ამჯერად მან "ოლდ ტრაფორდზე" გამარჯვების გოლი გაიტანა, რომელიც მისთვის რიგით მე–8 აღმოჩნდა და "ჩემპიონთა ლიგის" ბომბარდირთა დავაში დაწინაურდა.

პორტუგალიელმა 8 გოლის გატანა 8 მატჩში მოახერხა და გადაუსწრო "გალათასარაის" ფეხბურთელს – ილმაზს, რომელსაც 7 გოლი აქვს გატანილი. მათ შემდეგ იმყოფებიან ლიონელ მესი ("ბარსელონა"), ოსკარი ("ჩელსი"), ლევანდოვსკი ("დორტმუნდი") და ალანი ("ბრაგა"). თითოეულმა მათგანმა 5 გოლი გაიტანა ამ ჩემპიონატში.

აღსანიშნავია ისიც, რომ კრიშტიანუს "ჩემპიონთა ლიგოსს" გასვლით მატჩებში შეგდებული აქვს 5 გოლი. იგი ,ამ მაჩვენებლითაც პირველ ადგილზე იმყოფება და უსწრებს ილმაზს, ალანსა და უილიანს (4 გოლი). მან მხოლოდ 2 დაპირისპირებაში ვერ შეძლო თავის გამოჩენა: "ეტიჰედზე" "მანჩესტერ სიტის" წინააღმდეგ და "სანტიაგო ბერნაბეუზე" "ბორუსიის დორტმუნდის" წინააღმდეგ. საინტერესოა ისიც, რომ პორტუგალიელმა "აიაქსთან" მატჩში შეძლო თავისი პირველი ჰეთრიკის შესრულება "ჩემპიონთა ლიგაზე", მთელი თავისი კარიერის მანძილზე.



გარდა ამისა, პორტუგალიელს აქვს ყველაზე მეტი წუთი ნათამაშები ამ ჩემპიონატში. იგი ერთადერთი ფეხბურთელია თეთრების შემადგენლობაში, რომელმაც ითამაშა 8 მატჩი თავიდან ბოლომდე (720 წუთი). ასევე 624 წუთი ითამაშა ჩაბი ალონსომ და 555 წუთი – ვარანემ.

წყარო:www.realmadrid.com