სამეფო კლუბის გამთამაშებელი, მესუთ იოზილი, გერმანულ Die Welt-ს, ჩემპიონთა ლიგის 1/8 ფინალის განმეორებით დაპირისპირებაზე და სხვა საინტერესო თემებზე ესაუბრა.

მატჩები „ბარსელონასთან“ და „მანჩესტერთან“
„ძალიან მომწონს საუკეთეო მეტოქეებთან ხშირად შერკინება.ასეთი ტიპის შეხვედრებს, მთელი მსოფლიო ადევნებს თვალს.„ელ კლასიკოს“ წინ ექსტრა მოტივირებული ვარ.კატალონიელებთან დაპირისპირება დიდ რეზონანს იწვევს, ხოლო ფლეი-ოფიდან ინგლისელების გამოთიშვა, წარმოუდგენელი გრძნობა იქნება.“

6 „კლასიკო“
„რასაკვირველია, „ბარსასთან“ პაექრობა განსაკუთრებულია.ბოლო დღეებში, დავამტკიცეთ, რომ მათთან თამაში შეგვიძლია.სეზონიშ დასაწყისში, სუპერ თასი მოვუგეთ, ხოლო ახლა კოპა დელ რეის გათამაშებას გამოვთიშეთ.ვფიქრობ, აღნიშნული ფაქტები საამაყოა.“

ჩამორჩენა ლა ლიგაში
„უნდა ვაღიაროთ, რომ პრიმერაში „ბარსელონა“ ჩინებულად მოქმედებდა.ჩვენთვის შიდა პირველობა მნიშვნელოვანი იყო, რამეთუ მადრიდი ყოველთვის ტიტულებისაკენ მიისწრაფვის.ახალი სრულად გადართულნი ვართ, ჩემპიონთა ლიგასა და სამეფო თასზე.ვგონებ, კარგი შანსი გვაქვს, დიდი წარმატებით დავასრულოთ სეზონი.ფეხბურთელი ბოლომდე უნდა იბრძოდეს გუნდის მიზნებისათვის.“

განმეორებითი დუელი „მანჩესტერთან“
„რთული თამაში გველოდება, საკმაოდ სიმპატიური გუნდის წინააღმდეგ.პირველ დაპირისპირებაში დავამტკიცეთ, რომ შეგვიძლია გამარჯვების მოპოვება.„რეალი“ განსაკუთრებით, პირველ ტაიმში გამოიყურებოდა კარგად და ამის წყალობით არაერთი საგოლე მომენტი შევქმენით.ინგლისელებს პატივისცემით ვეპყრობით, მაგრამ ჩვენი მიზანია შემდეგ ეტაპზე თამაში.ის, ვინც იგებს ბარსელონაში, ანალოგიურის გაკეთება, მანჩესტერშიც შეუძლია.“

ურთიერთობა მოურინიოსთან
„სასურველ კონდიციებში ვიმყოფები და კმაყოფილი ვარ, რომ ყოველ კვირას მეძლევა თამაშის შანსი.მწვრთნელი მენდობა, რისთვის მადლობას ვუხდი.გამოცემები წერენ, რომ მოურინიოს არასახარბიელო ურთიერთობა აქვს გუნდთან, თუმცა გარწმუნებთ, ეს სინამდვილად არ შეესაბამება.მოუ მუდამ მხარს მიჭერს.ის ერთ-ერთი საუკეთესო, თუ არა ერთადერთი, მწვრთნელია მსოფლიოში.“

ადაპტაცია მადრიდში
„ვთამაშობ ისე, როგორც მჩვევია, ჩემს სტილში.მოურინიოს დამსახურებით, ჩემი გამოსვლა გაცილებით საიმედო გახდა.„კოპა დელ რეის“ მოგების შემთხვევაში, ბოლო 3 წლის განმავლობაში, „რეალი“ მე-4 ტიტულს ჩაიწერს აქტივში.ვფიქრობ, მადრიდში სხვა ადამიანი გავხდი.კომფორტულად ვგრძნობ თავს.რამდენიმე ჩემი თანაგუნდელი ხუმრობს, რომ მალე ესპანეთის ნაკრებშიც ჩავეწერები, მაგრამ დავიბადე გელხენკირხენში, სადაცა ასევე ლამაზად თამაშობენ ფეხბურთს.გერმანიის ეროვნულ ნაკრებთან ერთად, ბევრ წარმატებას მივაღწიეთ, მაგრამ გვაკლია ტიტულები.გამომდინარე იქედან, რომ გუნდის ძირითადი ბირთვი ახალგაზრდებითაა დაკომპლექტებული, ყველაფერი წინ არის.“

პროგრესი
„ვფიქრობ, კიდევ უფრო შემიძლია თამაშის გაუმჯობესება.მომწონს, როდესაც კარგ პასს ვაკეთებ და მივიჩნევ, რომ ეს გატანილი გოლის ტოლფასია.დიდი სურვილი მაქვს, ხშირად გამოვიჩინო თავი, მეტოქის კარში ბურთის მოთავსებით.ამ მომენტისათვის 4 გოლს მოვითვლი და იმედია, მალე ეს მაჩვენებელი 2 ციფრიანი გახდება.“

პოპულარობა სოციალურ ქსელებში
„ჩემთვის დიდი პატივია, Facebook-ზე 9 მილინიო, ხოლო Twitter-ზე 1.1 მილიონი ქომაგის ყოლა.სოციალური ქსელი საშუალებას მაძლევს, პირდაპირი წესით დავეკონტაქტო გულშემატკივრებს და გავუზიარო ჩემი ყოველდღიური ცხოვრება.არ ვფიქრობ, რომ ფოტო, რომელიც განვათავსე, ძალიან ინტიმურია.ვამაყობ ჩემი ტანით.ეს ფიგურა, ხანგრძლივი შრომის დამსახურებაა.ბოლო დროს, 3 კილოგრამის მომატება შევძელი, რამაც უფრო გამაძლიერა და ტრავმების რისკი შეამცირა.“

გვარდიოლა „ბაიერნში“
„აღნიშნულ თემას კლუბში არ განვიხილავთ, მხოლოდ ნაკრებში.პეპი ერთ-ერთი საუკეთესო დამრიგებელია.„ბარსელონას“ დიდი წარმატება მოუტანა.ახლოს არ ვიცნობ და პირად თვისებებზე ვერ გესაუბრებით.“