მანჩესტერ იუნაიტედის გულშემატკივრებმა რონალდოს ღია წერილი გაუგზავნეს.

ძვირფასო რონ,

ვიცით, რომ სამშაბათი შენთვის, ისევე როგორც ჩვენთვის ძალიან ემოციური დღე იქნება.

ჩვენ არასოდეს დაგვავიწყდება, რომ ერთ დროს შენ ჩვენი ოჯახის წევრი იყავი და დღემდე ვამაყობთ ამით, მიუხედავად იმისა, რომ სახლიდან წასვლა გადაწყვიტე და მიეცი მადრიდის რეალს უფლება გამხდარიყო შენი ახალი კლუბი, ჩაანაცვლე სერ ალექს ფერგიუსონი ჟოზე მოურინიოთი. მაგრამ ჩვენ არ გვძულხარ, პირიქით გვიყვარხარ.

სამშაბათს შენ აუცილებლად მიიღებ თბილ დახვედრას ოლდ ტრაფორდზე, მაგრამ მას შემდეგ რაც მსაჯის სასტვენის ხმას გავიგებთ შენ გახდები რიგითი ფეხბურთელი, რომელიც ჩვენი მოწინაარმვდეგე გუნდის შემადგენლობაშია. ამიტომ გთხოვთ, არ გეწყინოს თუ დაგისტვენთ.

ჩვენ ერთხელ უკვე მიგიღეთ და გაჩვენეთ როგორია სამოთხე, ახლა დროა ჩვენი ჯოჯოხეთი გაჩვენოთ და როდესაც მეორეჯერ დატოვებ მანჩესტერს, გვინდა აქედან დამარცხებული წახვიდე! იმიტომ, რომ არც ერთი ფეხბურთელი არ არის მანჩესტერზე დიადი.

სიყვარულით,
ყველა მანჩესტერის გულშემატკივარი