"პსჟ-ს" ნახევარმცველმა დევიდ ბექჰემა მანჩესტერ "იუნაიტედისა" და მადრიდის "რეალის" განმეორებითი დაპირისპირების წინ კომენტარი გააკეთა.

"ეს იქნება ამაღელვებელი მატჩი კრიშტიანუ რონალდუსათვის, რომელიც მანჩესტერში ბრუნდება."

" "იუნაიტედს" მის გულში განსაკუთრებული ადგილი უჭირავს. გულშემატკივრებს ის უყვართ, მისთვის ეს განსაკუთრებული მოვლენა იქნება. თქვენ ყოველთვის განსაკუთრებული გრძნობა გეუფლებათ, როცა იმ სტადიონზე ბრუნდებით, სადაც ადრე თამაშობდით. ეს მას მოტივაციას შემატებს."

" "იუნაიტედმა" "ბერნაბეუზე" ძალიან კარგად ითამაშა. დიდებული მატჩი გველის. ეს არის ორი დიდი გუნდი, დიდი ფეხბურთელებით. ძნელია რაიმე პროგნოზის გაკეთება."-განაცხადა ბექჰემა.