ორივე გუდის განზრახვა ცხადია. მათ ზეიმი და თასის აღმართვა მოსისხლე მტრების მოედანზე სურთ.

გუშინ, მას შემდეგ, რაც "მადრიდის რეალი" გავიდა ესპანეთის თასის ფინალში, დღის წესრიგში დადგა, როგორც ფინალის გამართვის თარიღი, ასევე ტერიტორია, სადაც ის გაიმართება. "ბლანკოსებს" სურთ, რომ თამაში კატალონიაში, არც მეტი არც ნაკლები "კამპ ნოუზე" გაიმართოს, მაგრამ ამასთან დაკავშირებით არსებობს ერთი ობიექტური პრობლემა, გარდა იმისა, რომ თავად კატალონიელები არ ისურვებენ მოსისხლე მტრების ზეიმის საკუთარ მოედანზე ცქერას. საქმე იმაშია, რომ სამეფო თასის ფინალი 17, 18 ან 19 მაისს უნდა გაიმართოს. 19 მაისს "ბარსელონა" ლა ლიგის ეგიდით "ვალიადოლიდს" მასპინძლობს საკუთარ კედლებში, შესაბამისად 48 საათის განმავლობაში ორი თამაშის გამართვა მოედნის საფარს სერიოზულად დააზიანებს, ამიტომაც ეს იქნება ალბათ უარის თქმის საფუძველი.