როგორც Marca იტყობინება, მადრიდის "რეალის" ფორვარდს კარიმ ბენზემას სიჩქარის გადაჭარბების გამო ციხე ემუქრება.

ქალაქ პოსუელო დე ალარკონში კამერებმა დააფიქსირეს ბენზემას ავტომანქანა, რომელიც გადაჭარბებული სისწრაფით მოძრაობდა. აღნიშნულ გზაზე შეზღუდვა 100 კმ/სთ სიჩქარეზე ვრცელდება, ფრანგი კი მანქანას 216 კმ/სთ სიჩქარით მართავდა.

უახლოეს მომავალში გაიმართება სასამართლო მოსმენა, სადაც კარიმის ბედი გადაწყდება. ესპანური კანონის თანახმად აღნიშნული დარღვევის გამო ბენზემას სამიდან/ექვს თვემდე თავისუფლების აღკვეთა ემუქრება.