კრიშტიანო რონალდუს ”კამპ ნოუზე” ერთი გოლი ჭირდება რეკორდის დასამყარებლად.

კლასიკო ბრუნდება. უკვე ხვალ კიდევ ერთხელ ამჯერად სამეფო თასის მეოთხედფინალის განმეორებითი შეხვედრის რანგში კრიშტიანო რონალდუ და ლიონელ მესი დაუპირისპირდებიან ერთმანეთს. არავინ არ იცის, სად გადის ამ ორი ფეხბურთელის შესაძლებლობების ზღვარი.

პირველი შეხვედრა ანგარიშით 1:1 მორჩა და აქედან გამომდინარე, ”მადრიდის რეალს” აუცილებლად ჭირდება გოლის გატანა. ეს მისია კი უპირველეს ყოვლისა , რა თქმა უნდა კრიშტიანო რონალდუს დაეკისრება. კრიშტიანო რონალდუმ ბოლო ხუთ შეხვედრაში , რომელიც ”კამპ ნოუზე” გაიამრთა, შეძლო თავის გამოჩენა. კლასიკოებში მეტოქის სტადიონზე გატანილი გოლების მიხედვით ის პუშკაშს (7), მესის (8) და ხენტოს (11) ჩამორჩება. მიუხედავად ამისა, პორტუგალიელს ხვალვე შეუძლია უნიკალური მიღწევის მფლობელი გახდეს.

გასვლით მატჩებში ჯერჯერობით ზედიზედ ექვსი შეხვედრის მანძილზე არავის არ გამოუჩენია თავი. ამ მხრივ იქნება სწორედ რონალდუს ხვალ გატანილი გოლი დამატებით მნიშვნელოვანი. მის მიღწევასთან ახლოს იქნება ლიონელ მესი, რომელმაც ზედიზედ ხუთ გასვლით კლასიკოში შეძლო თავის გამოჩენა.