მატჩის დასრულების შემდეგ, ჟოზე მოურინიოს ასისტენტმა, აიტორ კარანკამ პრეს-კონფერენცია გამართა.

"სამწვრთნელო შტაბი პირველი ტაიმით უკმაყოფილონი დავრჩით და მსჯელობა გახდა საჭირო იმისათვის, თუ როგორ გამოგვესწორებინა თამაში. საბოლოოდ მივიღეთ გადაწყვეტილება, რომელიც ფეხბურთელებმა პირნათლად შეასრულეს და მატჩის ბედი შემოაბრუნეს."

"რაც შეეხება კაკას... იგი დიდებული ფეხბურთელია. მას კარგად შეუძლია შეტევის ორგანიზებაც და დასრულებაც. რიკარდომ კიდევ ერთელ დაამტკიცა, რომ უმაღლესი დონის ფეხბურთელია."

"დეპორტივო კარგი გუნდია. ფეხბურთელები დიდი ხანია ერთად არიან და კარგად შეთამაშდნენ. ასევე მათ ჰყავთ შესანიშნავი მწვრთნელი. ყველაფრის მიუხედავად გამარჯვება ჩვენ დაგვრჩა. ახლა მხოლოდ მომდევნო მატჩზე ვფიქრობთ."