მადრიდის "რეალის" ფეხბურთელებმა ქარიმ ბენზემას "ფრანგი რონალდო" შეარქვეს. ფრანგი ფორვარდი "ფენომენს" "შემროკთან" ამხანაგური მატჩის შემდეგ შეადარეს. ეს შეხვედრა გაიმართა 20 ივლისს. ამ შეხვედრაში ერთადერთი გოლი მატჩის 87–ე წუთზე სწორედ ბენზემამ გაიტანა.

"ფრანგი რონალდო" ქარიმს თანაგუნდელმა მარსელომ შეარქვა. ბრაზილიელი მცველის თქმით, ბენზემას შეუძლია ბევრი გოლის გატანა და გუნდისთვის სარგებლის მოტანა. "შემროკთან" მატჩის შემდეგ ფრანგი ფორვარდი ნეგრედომ და იგუაინმაც შეაქეს. ემილიო ბუტრაგენიომ განაცხადა, რომ ბენზემას შედარება რონალდოსთან ჯერ ადრეა. მას მოეწონა ქარიმის თამაში ირლანდიური კლუბის წინააღმდეგ. ფრანგი ფორვარდი "რეალში" ამად წლის ივლისის დასაწყისში გადავიდა "ლიონიდან". "ბლანკოსმა" ბენზემაში 35 მლნ. ევრო გადაიხადა. რონალდო "რეალში" მოღვაწეობდა 2002–2007 წლებში.