პერესმა და ჟოზემ შეთანხმებას მიაღწიეს?
ესპანური საინფორმაციო წყაროები სენსაციურ ინფორმაციებს ავრცელებენ, მათი თქმით ჟოზე მოურინიო სეზონის ბოლოს "ბლანკოსს" აუცილებლად დატოვებს, რადგან ეს პრეზიდენტმა და დირექტორთა საბჭომ გადაწყვიტა...
გავრცელებული ინფორმაციის მიხედვით, ფლორენტინომ ბევრი იფიქრა და იმ დასკვნამდე მივიდა, რომ პორტუგალიელმა სპეციალისტმა სამეფო კლუბი უნდა დატოვოს, ამისათვის კი საჭირო გახდება 10 მილიონი ევროს გადახდა, სხვა შემთხვევაში მოურინიოს შეუძლია კლუბის თავკაცად დარჩენა.
პერესის მიღებული გადაწყვეტილება ძალაში იმ შემთხვევაშიც დარჩება, თუკი დედაქალაქური კლუბი ჩემპიონთა ლიგის მოგებას მოახერხებს, რადგან პრეზიდენტის აზრით მოუს ფილოსოფია სამეფო კლუბს არ გამოადგება.
ჯერ-ჯერობით მადრიდში ამასთან დაკავშირებით კომენტარი არ გაკეთებულა, რამდენად შეესაბამება ზემოთ ხსენებული ინფორმაცია რეალობას, ამას სავარაუდოდ მალე გავიგებთ.
- 20 თებერვალი 2013
- 2 751
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
