„რაიო ვალეკანოს“ წინააღმდეგ გამართული მატჩი „განსაკუთრებულისთვის“ ლა ლიგაში მე-100 აღმოჩნდა.

ჟოზეს მოსვლამდე თეთრების ხუთმა მწვრთნელმა შეძლო ამ რიცხვზე გადაბიჯება. მადრიდის „რეალი“ კი გახდა მოურინიოსთვის მეორე გუნდი, სადაც პორტუგალიელმა ასეთ შედეგს მიაღწია. მას „ჩელსისთან“ ერთად 120 მატჩი აქვს ჩატარებული პრემიერ ლიგაში.

ჟოზეს სადებიუტო მატჩი 2010 წლის აგვისტოში, „მალიორკას“ წინააღმდეგ შედგა. მას შემდეგ მან ბევრ წარმატებას მიაღწია „რეალთან“ ერთად. იგი იმ მწვთნელთა სიის ოთხეულში შევიდა, რომლებიც გამარჯვებათა რაოდენობით გამოირჩევიან. იგი ჩამორჩება ვისენტე დელ ბოსკეს, რომელსაც „რეალთან“ ერთად 84 გამარჯვება აქვს მოპოვებული, დელ ბოსკეს წინ უსწრებს ლეო ბენჰაკერი (89 მოგება), პირველ ადგილს კი ლეგენდარული მიგელ მუნიოსი იკავებს 257 მოგებით.

„რეალთან“ ერთად ჩატარებულ უკანასკნელ 99 მატჩში - თეთრებმა 75-ში მოიპოვეს გამარჯვება, 13 ფრედ დაასრულეს. 11-ში კი დამარცხდნენ. გაიტანეს 281 და მიიღეს მხოლოდ 87 ბურთი.