ალონსოს დასვენება ესაჭიროება
მადრიდის "რეალის" ბასკი ნახევარმცველი, ჩაბი ალონსო დასვენებას ითხოვს, მიზეზი კი მცირე დაზიანებაა, რაც კოჭის ტკივილში გამოიხატება...
ესპანელი მოთამაშე ჟოზე მოურინიოს გუნდის ერთ-ერთი მთავარი ფიგურაა, ნახევარდაცვა მის გარეშე ფაქტიურად წარმოუდგენელი გახლავთ, აქედან გამომდინარე ბარსელონასთან და მანჩესტერთან განმეორებით მატჩებში მისი მოედანზე ყოფნა აუცილებელი იქნება.
ვრცელდება ინფორმაცია იმის შესახებ, რომ მთავარი მწვრთნელი ჩაბის "რაიო ვალეკანოსთან" არ გამოიყენებს და მის მაგივრად მოედანზე ან ესიენი ან ლუკა მოდრიჩი გამოჩნდება, ამ შემთხვევაში მოურინიო ზედმეტ გართულებებს აარიდებს თავს.
არის მოსაზრება იმის შესახებაც, რომ სამეფო კლუბმა "ვალეკანოსთან" შესაძლოა ერთი საყრდენით იასპარეზოს და ნახევარმცველის ნაცვლად მოედანზე გონსალო იგუაინი გავიდეს და წინა ხაზში კარიმ ბენზემას შეუწყვილდეს.
ყველაფერს ხვალინდელ დაპირისპირებაში მოეფინება ნათელი.
- 16 თებერვალი 2013
- 1 605
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
