მოგეხსენებათ, რიკარდო კაკას მომავალი ბურუსით არის მოცული, არავინ იცის თუ სად გააგრძელებს კარიერას ბრაზილიელი ვარკსლავი, მისი მადრიდული ცხოვრება რომ დასასრულს უახლოვდება, ამას უკვე ყველა ხედავს...

გავრცელებული ინფორმაციით რიკარდოს შეძენით კიდევ ერთი გუნდი, ინგლისის ლივერპული ინტერესდება და მოლაპარაკებების დაწყებას ზაფხულის სატრანსფერო ფანჯრის დროს გეგმავს.

რიკარდოს ინგლისში არასდროს უთამაშია და რამდენად შეძლებს იგი ამ ასაკში პრემიერ ლიგის სტილზე მორგებას სხვა საკითხია, მაგრამ ყველა კარგად ხედავს, რომ მან "რეალში" შესაძლებლობების 50%-იც ვერ გამოავლინა, აქედან გამომდინარე თითქმის გადაწყვეტილია, რომ იგი კლუბს დატოვებს.

Daily Mirror-ის ინფორმაციით მერსისაიდელთა ხელმძღვანელობა მზად არის რიკის სანაცვლოდ 17 მილიონი ევრო გადაიხადოს, კონტრაქტთან დაკავშირებით კი თავად ფეხბურთელთან ისაუბროს.

რიკარდოს ამ სეზონში მადრიდის "რეალის" მთავარი მწვრთნელი საერთოდ აღარ წყალობს, ბრაზილიელმა ფეხბურთელმა ლა ლიგის ეგიდით გამართულ მატჩებში, შესაძლო 23-იდან, მხოლოდ 8-ში მიიღო მონაწილეობა, მის ანგარიშზე მხოლოდ და მხოლოდ 292 წუთი გახლავთ, აქედან კი ვხვდებით, რომ იგი ძირითადად მეორე ტაიმში ერთვება თამაშებში.

ასევე აღსანიშნავია, რომ არის მატჩები, როდესაც რიკი საერთოდ განაცხადშიც ვერ ხვდება, ყველაფრიდან გამომდინარე, მოურინიოს კაკა არ სჭირდება და მან სხვა კლუბი უნდა მოძებნოს.