ლეგენდარულმა ჰოლანდიელი ფეხბურთელმა, კლარენს ზეედროფმა ჟურნალისტებთან საუბრისას განაცხადა, რომ უბრალოდ ძალიან ცუდი რამ ხდება, როდესაც მესის, რონალდო და ახალგაზრდა ნეიმარს ერთმანეთს ადარებენ...

"მინდა გითხრათ, როგორც კრიშტიანო, ასევე მესი და ნეიმარი მსოფლიოს ერთ-ერთი საუკეთესო ფეხბურთელები არიან და მათ ნამდვილად აქვთ იმის ძალა, რომ ოქროს ასოებით შევიდნენ საფეხბურთო ისტორიაში, მაგრამ წარმოუდგენლად რთულია ახალგაზრდა ბრაზილიელის ისეთი დონის ფეხბურთელებთან შედარება, როგორებიც კრიშტიანო და ლიონელი არიან, ამ მოთამაშეებს ოქროს ბურთი აქვთ მოგებული, არგენტინელზე აღარაფერს ვსაუბრობ, მან ყველა დროის რეკორდი დაამყარა, რაც თავისთავად უდიდესი შედეგია."

"ჩემი აზრით ნეიმარს ბევრი დადებითი თვისება აქვს, რომლითაც იგი მწვერვალებს დაიპყრობს, მაგრამ ჯერ ადრეა მისი უმაღლესი დონის ფეხბურთელებთან შედარება, ამან შესაძლოა თავად ბრაზილიელის ფსიქიკაზე იმოქმედოს ცუდად და მისი პროგრესი რეგრესისკენ წავიდეს."

"როდესაც ნეიმარს კრიშტიანოს დონის დარტყმა, სისწრაფე, ტექნიკა და ბრძოლისუნარიანობა ჩამოუყალიბდება, მხოლოდ ამის მერე გვაქვს უფლება შედარებებზე ვისაუბროთ."