სერ ალექსი თამაშის შემდეგ ჟურნალისტებს შეხვდა

თამაშის მანძილზე ბევრი დასამახსოვრებელი მომენტი იყო. ორივე გუნდს ქონდა შანსი, რომ გოლი გაეტანა. დევიდ დე ხეამ სამი თუ ოთხი ე.წ. ”სეივი” განახორციელა, მაგრამ ჩვენ სამი თუ ოთხი კარგი შანსი გავანიავეთ და ასევე მათმა მეკარემ თამაშის ბოლო წუთებზე ბრწყინვალედ ითამაშა რობინ ვან პერსის წინააღმდეგ.

კარგი შანსები გვქონდა, ყველაზე ცუდი კი ის იყო, რომ პირველ ნახევარში მეტოქე ყველაფერს აკეთებდა ჩვენს ნახევარზე, რასაც კი მოისურვებდა და ამის საშუალება ჩვენ არ უნდა მიგვეცა. ეს მეორე ნახევარში გამოვასწორეთ , დანი ველბეკი უფრო წინ გავწიეთ და ყველაფერი შეიცვალა. დრო და დრო კარგ შეტევით ფეხბურთს ვაჩვენებდით და დიდებული შანსებიც გვქონდა. ისინი უფრო მეტხანს ფლობდნენ ბურთს, მაგრამ ესეთი გუნდისგან , მითუმეტეს მაშინ, როცა სახლში თამაშობს ეს მოსალოდნელია. ჩვენ გოლი გავიტანეთ და ეს ”ოლდ ტრაფორდზე” დიდ უპირატესობას გვაძლევს.”

კრიშტიანო რონალდუს გოლი ნახეთ? რა დიდებული თამაში იყო მეორე სართულზე. წარმოუდგენელი და დაუჯერებელი იყო. გასაოცარია, თუ როგორ ახერხებს ჰაერში გაჩერებას. ბრწყინვალე ძალა , რომელიც თავით დარტყმულ ბურთს ქონდა. მეორე ნახევარში ვფიქრობ, რომ შევძელით მისი შეჩერება. ვიცი, რომ მისთვის ძალიან ძნელი იყო ჩვენს წინააღმდეგ თამაში. ვფიქრობ, მას უამრავი ემოცია ეძალებოდა. როცა ბურთს ღებულობს რონალდუ ძალზედ სახიფათოა. ამ დროს იმაზე მეტი უნდა გააკეთო, ვიდრე ოდესმე. რონალდუ ეხლა ჩვენს გასახდელში იმყოფება და თავის ძველ თანაგუნდელევს ესაუბრება. მე ვამაყობ იმით, თუ როგორ ფეხბურთელადაც იქცა ის. მე ის მეამაყება.”