გვინეური ფესვების მქონე, პედრო ობიანგი ამჟამად იტალიურ "სამპდორიაში" ირიცხება და საკმაოდ წარმატებითაც გამოდის. მიმდინარე სეზონში ნატურალიზებულმა ესპანელმა 20 შეხვედრის ჩატარება მოასწრო "სერია ა"-ს ეგიდით, გააკეთა 5 საგოლე გადაცემა, ერთხელ კი თავად გამოიჩინა თავი. გასულ კვირას ესპანეთის 21 წლამდელთა ნაკრებში პედროს დებიუტიც შედგა.

როგორც დღეს გახდა ცნობილი, ობიანგის მიმართ ინტერესს ორი ესპანური გრანდი იჩენს, საუბარია მადრიდის "რეალსა" და "ბარსელონაზე". ესპანურ პრესაში ირწმუნებიან, რომ ახლაგაზრდა ნახევარმცველი ზაფხულის სატრანსფერო ფანჯარაზე ზემოთ ხსენებულ ორ გუნდს შორის რომელიმეს მაისურს მოირგებს.