ბრაზილიელი მარსელო ჟურნალისტებს ესაუბრა და განაცხადა, რომ იგი ყველაფერს აკეთებს საუკეთესო კონდიციაში ჩასადგომად, ტრავმის შემდეგ მას ბევრი პრობლემა შეექმნა, მაგრამ ყველაფერი აღმოფხვრადია...

"მინდა გითხრათ, რომ ვარჯიშებზე 100%-ით ვიხარჯები და ვცდილობ კვლავ ძველი მარსელო გავხდე, ჩემ თავს აშკარად ვატყობ, რომ სისწრაფე მაქვს დაკარგული, მაგრამ ეს წონის მატების ბრალია."

"კლუბის მედიკოსებმა სპეციალური ჯგუფი შექმნეს, რომელიც ჩემი გახდომისთვის ყველაფერს აკეთებს, გამოწერილი მაქვს ინდივიდუალური დიეტა, რომელსაც ზედმიწევნით ვასრულებ და შედეგებს უკვე ვხედავ, დარწმუნებული ვარ სულ მალე ძველ წონას დავუბრუნდები და უკეთეს ხარისხს ვაჩვენებ."

"მანჩესტერ იუნაიტედთან დიდი მატჩები გველის, დარწმუნებული ვარ რომელიმე მათგანში გამოჩნის საშუალება მომეცემა და ყველაფერს გავაკეთებ მწვრთნელის ნდობის თავიდან მოსაპოვებლად, მე სათადარიგოთა სკამზე ჯდომა არ მიყვარს, მითუმეტეს ისეთ ასაკში ვარ, როდესაც კარიერის პიკისკენ უნდა მივიწევდე, აქედან გამომდინარე მაქსიმუმს გავაკეთებ თერთმეტეულში დასაბრუნებლად."