მადრიდის „რეალმა“ გუშინ „სევილია“ დაამარცხა. მადრიდელები კი ოთხშაბათს დაგეგმილ შეხვედრას ფსიქოლოგიურად იდეალურ მდგომარეობაში შეხვდებიან, განსაკუთრებით კი კრიშტიანუ რონალდუ.

ბენზემას 17 წუთზე გატანილ გოლს კრიშტიანუს კარიერაში რიგით 21 ჰეთ-ტრიკი მოჰყვა. მან გოლები 26-ე, 46-ე და 58-ე წუთებზე გაიტანა.

რონალდუს ლა ლიგის წლევანდელ სეზონში 24 გოლი დაუგროვდა. გატანილი გოლების რაოდენობით კი გადაასწრო მადრიდის „რეალის“ ისტორიის, გოლეადორების სიის მეექვსე ადგილოსან ხენტოს. მადრიდის „რეალის“ ფორმით მას 20 ჰეთ-ტრიკი აქვს შესრულებული. ამ კომპონენტით ჯობნის პუშკას და ჩამორჩება დი სტეფანოს, რომლის ანგარიშზეც 31 ჰეთ-ტრიკია.

ბენზემამ კი დაასრულა უგოლო 262 წუთიანი მონაკვეთი და 6 იანვრის მერე პირველად შეაგდო.

როგორც უკვე მოგახსენეთ, მადრიდელები ოთხშაბათს „წითელ ეშმაკებს“ დაუპირისპირდებიან. სერ ალექს ფერგიუსონმა იცის თუ რა ძალას წარმოადგენს კრიშტიანუ რონალდუ და ამიტომაც აპირებს მინიმუმ 2 ფეხბურთელი მიუჩინოს მას.