მოგეხსენებათ, რაფაელ ვარანი სამეფო კლუბში დღიდან დღემდე პროგრესირებს და ამის ნათელი მაგალითი მისი ბრწყინვალე ასპარეზობა გახლდათ კატალონიის ბარსელონას წინააღდეგ, ახალგაზრდა მოთამაშემ მთელი მატჩი უშეცდომოდ ჩაატარა და ასევე გაიტანა გოლი, რომლითაც "ბლანკოსს" მომდევნო ეტაპზე გასვლის შანსი შეუნარჩუნა...

გავრცელებული ინფორმაციით ახალგაზრდა მცველის მიმართ ინტერესს ორი ფრანგული კლუბი, ლიონის ოლიმპიკი და პსჟ იჩენს.

პარიზული კლუბის ხელმძღვანელობის აზრით ვარანის სამშობლოში დაბრუნება როგორც ფეხბურთელს, ასევე გუნდს დაეხმარება წარმატების მიღწევაში, ფრანგთა აზრით, რაფაელი მადრიდში უცხო გარემოშია და მისთვის უფრო რთულია შესაძლებლობების გამოვლენა, საკუთარ სამშობლოში კი იგი სრულიად გაიხსნება და მსოფლიოს ერთ-ერთ საუკეთესო მცველად მოგვევლინება.

როგორც ჩანს ფრანგები ვარანის შესაძენად ზაფხულის სატრანსფერო ფანჯრის დროს დაიწყებენ მოლაპარაკებებს.

რაც შეეხება ლიონს, ამ გუნდის შესახებ ბევრი ინფორმაცია არ ვრცელდება, მაგრამ ფრანგულ პრესაში უკვე გაიპარა ინფორმაციები იმის შესახებ, რომ ოლიმპიკს რაფაელის შეძენა სურს.