”მადრიდის რეალმა” დღეს პირველი მოსამზადებელი ვარჯიში გამართა კოპა დელ რეის ნახევარფინალური შეხვედრის წინ.

”ხეტაფესთან” მოგებული სეხვედრის შემდეგ, ჟოზე მოურინიომ 19 ფეხბურთელს უხმო კოპა დელ რეის თასის ნახევრაფინალური მატჩის წინ მოსამზადებლად. დიეგო ლოპესმა პირველი ვარჯიში გამართა ახალ თანაგუნდელებთან ერთად. სერხიო რამოსი, კოენტრაუ, მოდრიჩი და დი მარია დახურულ დაბრაზში ვარჯიშობდნენ, მაშინ როცა პეპე აღდგენით პროცესებს გადის.

Real Madrid City-ში ჩატარებული ვარჯიშისას ფეხბურთელები სამ სხვადასხვა ჯგუფად დაიყვნენ. პირველ ჯგუფში იყვნენ ადანი, კარვალიო, ალბიოლი, ნაჩო, ესიენი, ხედირა, იოზილი, რონალდუ, იგუაინი და მორატა. ანუ ის ფეხბურთელები, რომლებმაც წინა შეხვედრაში ყველაზე მეტხანს ითამაშეს დამატებული ნაჩო და მორატა, რომლებმაც თავთავიანთი შეხვედრა ჩაატარეს ”კასტილიას” რიგებში.

დიეგო ლოპესი და ხესუსი მეორე ჯგუფში მოხვდნენ. ორ გოლკიპერს სილვინო ლოურო ავარჯიშებდა. დანარჩენმა ფეხბურთელებმა მესამე ჯგუფი ჩამოაყალიბეს და ისინი სანამ აქტიურ მოქმედებებზე და ვარჯიშზე გადავიდოდნენ , მოთელვით სამუშაოს გადიოდნენ.