როგორც Punto Pelota იუწყება, რონალდუმ სამწვრთნელო ვარჯიშის დროს თანაგუნდელებს ბოდიში მოუხადა მთავარ მწვრთნელ ჟოზე მოურინიოსთან შეკამათების გამო.

კოპას პირველი რაუნდის შეხვედრაში, როგორც იცით, გარკვეული შელაპარაკება მოხდა რონალდუსა და ”მადრიდის რეალის” მთავარ მწვრთნელ ჟოზე მოურინიოს შორის, რაც განპირობებული იყო იმით, რომ ფეხბურთელი არ ეთანხმებოდა ჟოზეს მხრიდან მისდამი გამოთქმულ კრიტიკას.

აღნიშნულთან დაკავშირებით ინფრომაციის გავრცელებისა და გუნდის მიმართ წამოსული ზეწოლის შედეგ, რონალდუმ შეკრიბა თანაგუნდელები და მათ ბოდიში მოუხადა.

”მე მინდა გელაპარაკოთ იმაზე, რაც მოხდა ჩემსა და მწვრთნელს შორის. მინდა ბოდიში მოგიხადოთ”-თქვა რონალდუმ და იქვე გააგრძელა ”ყველანი ერთად უნდა დავდგეთ და წინ უნდა ვიაროთ. მე მხოლოდ და მხოლოდ ერთიანობას და ბევრ მუშაობას გთხოვთ. არსებობს ჯერ კიდევ ტიტულები, რომლებიც უნდა მოვიგოთ.”