”მადრიდის რეალში” არსებული დაძაბული ვითარებიდან გამომდინარე, არ წყდება სხვადასხვა გამომცემლობებში ერთმანეთისგან გამომრიცხავი ჭორების გავრცელება. ერთ-ერთი მათგანი კი იკერ კასილასს უკავშირდება.

გავრცელდა ინფორმაცია, რომელიც თვით ”მანჩესტერ იუნაიტედის” გულშემატკივრებსაც სკამებიდან წამოყრის. აღნიშნული დაკავშირებულია იკერ კასილასთან, რომლითაც სერ ალექს ფერგიუსონია დაინტერესებული და თუ წყაროს დავუჯერებთ , აპირებს, რომ მიმდინარე ზაფხულის სატრანსფერო პერიოდისას ”თეთრებს” ოფიციალურად მიმართოს კაპიტნის ტრანსფერთან დაკავშირებით,.

სერ ალექსი იმედგაცრუებულია დავიდ დე ხეას ბოლოდროინდელი თამაშით და უფრო გამოცდილ მეკარეს ეძებს ”წითელი ეშმაკების” დაცვის ხაზის გასაძლიერებლად.

წყაროს მიხედვით, ესპანეთის №1 მეკარე იკერ კასილასი მიმდინარე სეზონში აშკარად არ არის მოურინიოს ფავორიტი. ფერგიუსონი კი აპირებს ამ ორ ფიგურას შორის არსებული დაპირისპირებით იხეიროს და იკერი ინგლისში წაიყვანოს.